Манай байгууллага 2014 оноос Ховд аймгийн “Хөшөөтийн уурхай”-д Хөрс хуулалт, нүүрс олборлолтын төслийн гүйцэтгэгчээр үйл ажиллагааны цар хүрээгээ өргөжүүлж 659 үндсэн ажилтан, гэрээт болон туслан гүйцэтгэгч 300 орчим иргэнийг ажлын байраар хангаж байна. Манай компани нийт ажилтны 90-ээс дээш хувийг орон нутгийн иргэдээс бүрдүүлж сургаж хөгжүүлэн, ажлын байраар хангах хүний нөөцийн бодлогыг баримтлан ажилладаг.

Өдгөө бид жилдээ 16 сая м3 хөрс хуулах, 7.2 сая тн нүүрс олборлох хүчин чадал бүхий 170 гаруй автомашин, техник тоног төхөөрөмжтэйгөөр үйл ажиллагаа явуулахын зэрэгцээ Хөшөөтийн уурхай–Ярантын боомт чиглэлийн 311 км авто замын засвар, арчлалтыг хариуцан ажиллаж байна.

ХЭМАБ-ЫН БОДЛОГО

Бид Монгол улсын уул уурхайн үйлдвэрлэлийн салбарын шинэчлэлд манлайлагч байж, тэргүүлэх орон зайг эзлэх зорилгодоо хүрэхийн тулд компанийн үйл ажиллагааны хүрээнд МУ-ын хууль тогтоомж, дүрэм, журам стандартыг мөрдлөг болгон, үйл явц бүрд аливаа эрсдлийг оновчтой тодорхойлж, хамгийн бага төвшинд хянаж ажиллах ба аюултай тохиолдлоос сэргийлж, ажлын байрны таатай орчинг бий болгож, аюулгүй ажиллах эерэг хандлагыг хэвшүүлэхэд ажилтан бүрийн оролцоог хангаж, эрүүл аюулгүй нөхцөлийг бүрдүүлэн, ХЭМАБ-ын менежментийн тогтолцооны шаардлагуудыг тогтмол сайжруулж ажиллана.